Apne Ehsaas Se Chhoo Kar Mujhe Fannah Kar Do.....

Apne ehsaas se chhoo kar mujhe Fannah kar do.....

Main kai sadion se adhoora hoon mukammal kar do,

Na tumhe hosh rahe na mujhe hosh rahe,is qadar toot ker chaho ki pagal kar do,

Meri hatheli ko apna pyar ki mehndi se rango,meri ankhon mein apne pyar ka kajal bhardo,

Dhoop hi dhoop hoon main, mujhpe is qadar barso k meri rooh ko Gulzaar kardo,

Tum chhupa lo mera dil, chhaon mein apne dil ki, Aur mujhe meri nigahon se bhi ojhal kardo,

Apne gham ko kaho har waqt mere saath rahe,ek ehsaan karo, is ko musalsal kar do,

mujh pe chha jao kisi aag ki soorat ki tarah aur meri chahat ko sookha hua jungal kar do.......

Apne ehsaas se chhoo kar mujhe Fannah kar do.....